पाल्पा - पाल्पा– नौलो क्षितिज युवा समाज निस्दी –४ मित्याल मौलाथरको आयाजनामा विजया दशमीको अवसरमा विगतका वर्षहरुमा झै खुल्ला भलिबल प्रतियोगिता सम्पन्न गरेको छ । युवा समाजका अध्यक्ष निश्चल खाम्चाका अनुसार खेलमा विभिन्न स्थानबाट २० समूहले भाग लिएका थिए । भलिवल खेलमा निस्दी –५ बाङ्लाङ्गका समूह प्रथम, निस्दी –३ डाबराको समूह द्वितीय र आयोजक टिमको वि समूह तृतीय भएको खेल संयोजक खुविन्द्र साेमैले जानकारी दिनुभयो । प्रथम, द्वितीय र तृतीयले क्रमशः १५ हजार, १० हजार र ५ हजार नगद पुरस्कार प्राप्त गरेका थिए । २० सेट मध्येबाट उत्कृष्ट खेलाडीको रुपमा निस्दी –५ बाङ्लाङ्गका युपेनराज बयम्बुलाई नगद सहित सम्मान समेत गरिएको युवा समूहका सचिव चिमबहादुर आलेले बताउनुभयो ।