पाल्पा - नेपाली लोकदोहोरी क्षेत्रका गायक हुम गैरेको विरहको तिज भाग दुई सार्वजनिक भएको छ । तिज पर्व नजिकिदै गर्दा विशाल मुभिज मार्फत सामाजिक यथार्थ कथामा आधारित तिज गीती कथा विरहको तिज - भाग दुई बजारमा आएको हो । चर्चित गायक गायिकाहरु ईन्द्र जि.सी. , हुम गैरे , जमुना राना , धिरज खत्री , राम परियार , कमला वि . सी . र विमला गैरेको स्वरमा रहेको गीतमा लय तथा शब्द संकलन हुम गैरेको रहेको छ । चेलि र माईती बिचको तिज सम्बन्धी पिडादायी गीती संवाद रहेको गीतमा पछिल्लो समयका चर्चित मोडलहरु धिरज खत्री , रमा ठकुरी , करिष्मा परियार , अनन्त भण्डारी , दिपक लामिछाने , विनोद कंडेल र सिर्जना पाण्डेको जिवन्त अभिनय रहेको छ । गैरेकै निर्देशन तथा सम्पादन रहेको गीतलाई पछिल्लो समयका व्यस्त क्यामेरामेन कृष्ण के.सी.ले खचेका हुन भने भिडियोको निर्माण नियन्त्रण देश राईले गरेका हुन । तिज गीतमा मौतिकता हराईरहेको अबस्थामा यो मौलिक पिडादायी तिज गीती कथा विरहको तिज भाग दुईले सबैको मन जित्ने आशा रहेको गीतका गायक ईन्द्र जि . सी .ले बताउनुभएको छ । तिज गीती कथा विरहको तिज भाग दुईलाई सफलताको शुभकामना ।