पाल्पा-निस्दी गाउँपालिका वडा नम्बर-६,अर्चले,पाल्पा नेतृत्व बिकास तथा उद्घोषण तालिम आजबाट शुरु भएको छ । अर्चले महिला उत्थान गाउँ समन्वय समितिका अध्यक्ष सिर्जना खण्डलुको अध्यक्षता भएको उद्घाटन कार्यक्रमका मुख्य पाहुना निस्दी गाउँ कार्यपालिका सदस्य मिम्श्री बयम्बु रहनुभएको थियो । कार्यक्रममा बोल्नुहुदै मुख्य पाहुना बयम्बुले स्वास्थ्य महिला समूहका लागि यो कार्यक्रम आवश्यकताको महसुस गरि आयोजना गरिएको बताउदै सक्रिय सहभागिता जनाउन सुझाव दिनुभएको थियो । कार्यक्रममा वडा सदस्य कृष्ण बहादुर सोमै, नेकपा एमाले गाउँ कमिटी सदस्य खेम बहादुर बिक,नेपाली कांग्रेस वडा सभापति गगनसिं खनगाहा लगायतले कार्यक्रमको बारेमा बोल्नुभएको थियो । गाउँपालिकाको आर्थिक सहयोगमा सन्चालन भएको तालिममा २७ जना स्वास्थ्य महिला समूहका प्रतिनिधिहरुको सहभागिता रहेको छ । अर्चले स्वास्थ्य चौकीको सभा हलमा सन्चालन भएको तालिमको सहजीकरण पत्रकार बन्दना पोख्रेल र होम राई मगरले गर्नुभएको छ । समन्वय समितिका सदस्य मेनुका रानाले स्वागत मन्तव्य राख्नुभएको कार्यक्रमको सन्चालन मिम्श्री सुनारीले गर्नुभएको हो ।