पाल्पा- निस्दी गाउँपालिका वडा नम्बर-७,ज्यामिरे,पोखरीछाप,पाल्पाका स्वर्गीय पदम आलेको परिवारलाई आर्थिक सहयोग गरेको छ । गत चैत १ गते राती १० बजे निस्दी-७,ज्यामिरे सातमुरे स्थित खुमन रानाले सन्चालन गरेको न्यू सोनिया होटलमा सुतैकै अवस्थामा आले मृत भेटिएको थियो । ३५ वर्षको उमेरमा रहेका आलेको एक श्रीमती र ४ जना छोरी छन् । छोरीहरुको पढाई र स्वास्थ्यका लागि मलेशियाको सेलङ एरियामा रहेको GS कम्पनीमा कार्यरत रहेका ज्ञानु आले र महेन्द्र सारुको अगुवाइमा सहयोग रकम पठाइएको हो । सहयोग बापतको ९० हजार रुपैयाँ समाजसेवी याम बहादुर आलेले मृतकको घरैमा पुगेर हस्तान्तरण गर्नुभयो ।