पाल्पा - निस्दी गाउँपालिका पाल्पामा राष्ट्रिय युवा संघ निस्दी गाउँ कमिटी गठन भएको छ । नेकपा एमाले निस्दी गाउँ संगठन कमिटीका अध्यक्ष नर बहादुर सुनारीको अध्यक्षतामा बसेको भेलाले प्रदीप ज्ञवालीको अध्यक्षतामा ३५ सदस्यीय निस्दी युवा संघ गठन गरेको छ । आइतबार भएको युवा भेलाको उद्घाटन गर्नुहुँदै राष्ट्रिय युवा संघ नेपालका केन्द्रिय सचिव तुल बहादुर अधिकारीले न्याय , समृद्धि , राष्ट्रिय स्वाधीनता र रक्षाका लागि राष्ट्रिय युवा संघ नेपाल सदैव लाडिरहने बताउनुभएको छ । अधिकारीले राष्ट्रिय सम्प्रभुताको रक्षा गर्ने जिम्मा राष्ट्रिय युवा संघ नेपालको काँधमा आएको भन्नुभएको छ । निस्दीको मित्यालमा बसेको भेलाले कमिटीको उपाध्यक्षमा प्रकाश राना , सचिव रोमन गाहा , सहसचिवमा जगत बाकाबल र धनमाया दिशुवा साथै कोषाध्यक्ष गिरिसरा गाहालाई सर्वसहमतिमा चयन गरेको छ । नवगठित कमिटीलाई नेकपा एमाले जिल्ला कमिटी उपाध्यक्ष देबिलाल लामिछाने , जिल्ला कमिटी सचिवालय सदस्य एवं निस्दी इन्चार्ज दमन सिंह थापा , युवा संघ जिल्ला कमिटी अध्यक्ष विष्णु आचार्य , जिल्ला कमिटी सदस्य तथा निर्वाचन क्षेत्र न १ क का सह संयोजक भुवन थापा लगायतले शुभकामना व्यक्त गर्नुभएको छ । सोही अवसरमा उमेश रानाको अध्यक्षतामा मदन भण्डारी स्पोर्टस एकेडेमी समेत गठन गरेको छ । नेकपा एमाले निस्दी गाउँ संगठन कमिटी उपाध्यक्ष तिरण कुमारी श्रेष्ठको स्वागत मन्तव्यबाट शुरु भएको कार्यक्रमको संचालन सचिव मेख बहादुर सुनारीले गर्नुभएको हो ।