पाल्पा- विद्यालय स्तरीय खेलकुद प्रशिक्षक प्रशिक्षण कार्यक्रम तानसेन,पाल्पामा सम्पन्न भएको छ । समाजिक बिकास डिभिजन कार्यालय तानसेन,पाल्पाका कार्यालय प्रमुख हरिलाल अर्यालको अध्यक्षता सम्पन्न भएको समापन कार्यक्रमका प्रमुख अतिथि दमकडा नमुना माध्यमिक विद्यालय दमकडाका विद्यालय व्यवस्थापन समितिका अध्यक्ष राजेश कुमार अर्याल रहनुभएको हो । कार्यक्रममा बोल्नु हुँदै प्रमुख अतिथि अर्यालले विद्यालय स्तरबाट नै खेलको वातावरण सिर्जना गर्ने अवसर रहने भएकोले सरकारले यस तर्फ ध्यान दिनुपर्नेमा जोड दिनुभयो । यसैगरी पाल्पा असल र राम्रा खेलाडीहरुको उत्पादन गर्न परिक्षण कार्यक्रम महत्त्वपूर्ण हुने विश्वास आफुले गरेको बताउनुभयो । कार्यक्रममा जनता नमुना माध्यमिक विद्यालयका शिक्षक रामप्रसाद ढकालले यस्ता कार्यक्रमले विद्यालयको अतिरिक्त क्रियाकलापमा सहयोग पुग्ने बताउदै कार्यक्रमको प्रभावकारितामा ध्यान दिने बताउनुभयो । माघ ९ गते देखि ५ दिन सम्म सन्चालन भएको कार्यक्रममा राष्ट्रपति कपमा समावेश गरिएका खेलहरुको बारेमा सहजीकरण गरिएको थियो । दमकडा नमुना माध्यमिक विद्यालयमा सन्चालन भएको प्रशिक्षण कार्यक्रममा पाल्पा जिल्लाका २० जना खेलकुद शिक्षकहरुको सहभागिता रहेको थियो ।