पाल्पा - निस्दी सब डिभिजन बन कार्यालय भवनको शिलान्यास भएको छ । मित्यालको झ्यालतुङमा बन्न लागेको भवनको शनिबार जिल्ला डिभिजन बन कार्यालय पाल्पाका अधिकृत दिपक ज्ञवालीले शिलान्यास गर्नुभएको हो । भवन शिलान्यास गर्नुहुँदै अधिकृत ज्ञवालीले जिल्लाको दुर्गममा रहेको निस्दी सब डिभिजन भवनलाई प्राथमिकतामा राखेर निर्माण गर्न लागेको बताउनुभएको छ । भवन प्रदेश मन्त्रालयको सहयोगमा जिल्ला डिभिजन कार्यालय पाल्पाको वार्षिक कार्यक्रम अन्तर्गत निर्माण हुन लागेको हो । भवन निर्माणको लागि यस वर्ष २० लाख मात्रै विनियोजन भएकोमा आगामी २ वर्ष भित्र काम सम्पन्न गर्ने लक्ष्य रहेको निस्दी सब डिभिजन बन कार्यालय मित्यालका प्रमुख नन्द प्रसाद अधिकारीले बताउनुभएको छ । यो भवन विभिन्न कार्यकक्ष सहित आठ कोठाको बन्ने अधिकारीले बताउनुभएको छ । भवन संगै करिब ५० हजार बिरुवा अटाउने नर्सरीकाे समेत निर्माण कार्य शुरु गरिएकाे छ । शिलान्यास कार्यक्रममा निस्दीका , कर्मचारी , समाजसेवी तथा सरोकारवालाको सहभागिता रहेको थियो ।