पाल्पा - नेकपा एमाले ४ नम्बर वडा कमिटी निस्दी - ४ , मित्याल पाल्पाको प्रथम वडा अधिवेशन सम्पन्न भएको छ। वडा कमिटी अध्यक्ष रनबहादुर गाहाको अध्यक्षतामा भएको अधिवेशनले सन्तविर सुनारीको अध्यक्षतामा ३१ सदस्यीय नयाँ कमिटी गठन गरेको छ । जसको उपाध्यक्षमा रनबहादुर गाहा , सचिवमा विक्रम सारु , उपसचिवमा यम बहादुर सोमै र हुमी सरा खाम्चा र अन्यलाई सदस्यमा सर्बसहमितिद्वारा चयन गरेको छ। साथै अधिवेशनले १५ सदस्यीय सल्लाहकार कमिटी समेत गठन गरेको छ। नवनिर्वाचित कमिटीलाई कार्यक्रमका प्रमुख अतिथि नेकपा एमाले जिल्ला कमिटी पाल्पाका सचिवालय सदस्य देवीलाल लामिछाने , हेमबहादुर खाम्चा , निस्दी गाउँपालिका उपाध्यक्ष रिता कुमारी अर्याल , ४ नम्बर वडा कार्यालय मित्यालका कार्यवाहक वडा अध्यक्ष मन प्रसाद सोती , जिल्ला आयोजक कमिटी पाल्पाका सदस्य नरबहादुर सुनारी लगायतले शुभकामना मन्तव्य राख्नुभएको थियो । वडा कमिटी अध्यक्षको संगठनिक प्रतिवेदन र सचिवले आर्थिक प्रतिवेदन प्रस्तुत गर्नुभएको अधिवेशनको संचालन नेकपा एमाले जिल्ला कमिटी पाल्पाका सदस्य भुवन थापाले गर्नुभएको थियो ।