रामपुरमा नहरमा डुवेर मल्लको ज्यान गयाे
सीता डोटेल पाल्पा रामपुर २६ बैशाख । रामपुरको नहमा खसेर एक बृद्धको ज्यान गएको छ । रामपुर नगरपालिका वडा नम्बर ३ बगाहाका ७५ बर्षका देब बहादुर मल्ल रामपुर फाँट सिंचाई आयोजना अन्तर्गत नहरको चनौलीमा नहरमा खसेका थिए ।
मंगलबार बिहान घरबाट निस्केका मल्लको शब बुधबार बिहान भेटिएको हो । बिहान घाँस काट्न जाने क्रममा महिलाहरुले शब देखेपछि स्थानीयलाई खबर गरेका थिए । मंगलबार दिनभर रामपुर ३ कै रजघरा बजारमा रहेका उनी साझँ नहरको बाटो घर जाने क्रममा नहरमा खसेर ज्यान गएको प्रहरीले जनाएको छ ।
नहर मर्मतको काम भैरहेकोले बन क्षेत्रबाट पलाएको पानी मात्र नहरमा रहेको थियो । मल्ल छारे रोगका बिरामी समेत रहेको परिवारले बताएको इलाका प्रहरी कार्यालय रामपुरका प्रहरी निरिक्षक भुपालसिं रानाले बताउनुभयो ।
प्रकाशित मिति: बिहीबार, वैशाख २६, २०७६ ०९:१०
प्रतिक्रिया दिनुहोस्
साताको लोकप्रीय
