पाल्पा- निस्दीका पुर्ण अशक्त हस्त बहादुर खाम्चालाई इरानीमहल डटकमकाे समाचार प्रभावबाट आर्थिक सहयोग प्राप्त भएको छ । धन कमाउन विदेश जानुभएका निस्दीका खाम्चा पुर्ण अशक्त भएर घरमा फर्कनु भयो भन्ने समाचारको प्रभावबाट खाम्चाले अहिलेसम्म २३ हजार आर्थिक सहयोग पाउनु भएको छ । वैदेशिक रोजगारीको सिलसिलामा साउदी अरेबियामा जानुभएको खाम्चा केहि वर्ष अगाडि पुर्ण अपांग भएर घर फर्कनु भएको थियो । खाम्चाको बारेमा विभिन्न संचार माध्यममा समाचार आएपछि क्रमशः सहयोग गर्नेहरुको संख्या थपिएका छन । निस्दी गाउँपालिका वडा नम्बर ४ मित्याल भोर्मा स्थायी निबासी खाम्चालाई शनिबार ८ हजार रुपैयाँ सहयोग प्राप्त भएको छ। निस्दी गाउँपालिका वडा नम्बर ४ मित्याल स्थायी ठेगाना भइ हाल वैदेशिक रोजगारीको सिलसिलामा साउदी अरेबियामा रहनु भएको मीन फालले खाम्चालाई ८ हजार रकम पठाउनु भएको हो । रकम पाएपछि खाम्चाले खुसी व्यक्त गर्नुहुँदै सबैलाई धन्यवाद दिनुभएको छ। यसभन्दा अगाडि पनि खाम्चालाई विभिन्न व्यक्तिहरुले रकम सहयोग गरेका थिए ।