पाल्पा- जिल्लाकाे निस्दीको ढुंगानावेशी बजारमा बाटो कालोपत्रे गरेको छ । निस्दी गाउँपालिका वडा नम्बर ५ गल्धाको ढुंगानावेशी बजार क्षेत्रमा कालोपत्रे गरेको हो । पाल्पा क्षेत्र नम्बर १ का संघीय संसद दल बहादुर रानाको संसदकोष अन्तर्गत ६४ लाखको लागतमा बाटो कालोपत्रे गरेको स्थानीय समाजसेवी मेहर सिं थापाले बताउनुभयो । ढुंगानावेशी बजार क्षेत्रको ५ सय मिटर बाटो कालोपत्रे गरेको थापाले बताउनुभयो । कालोपत्रे गरेको बाटोको चौडा साढे ४ मिटर रहेको छ। यता पालिका भित्रिने मुल सडक बेलडाँडा मित्याल अरुणखोला मोटर बाटो अन्तर्गत केन्द्रिय तथा प्रदेश सरकारको बजेटबाट बेलडाँडा देखि ढंगानावेशी हुँदै मित्याल तर्फ बाटोको स्तरोन्नति तथा ग्राभेल गर्ने काम भैरहेको गाउँपालिका अध्यक्ष मुक्त बहादुर सारुले बताउनुभयो।