पाल्पा - गोरखननाथ माध्यमिक विद्यालय निस्दी-६,अर्चले,पाल्पाको विद्यालय व्यवस्थापन समिति गठन भएको छ । विद्यालय व्यवस्थापन समितिका निवर्तमान अध्यक्ष कृष्ण बहादुर सोमैको अध्यक्षतामा बसेको भेला विद्यालय सन्चालन र रेखदेखका लागि सन्चालक समिति गठन गरेको हो । भेलाले बलु गैरेको अध्यक्षतामा ९ सदस्यीय विद्यालय व्यवस्थापन समिति गठन गरेको हो । समितिका अन्य सदस्यहरुमा हुम बहादुर सोमै, सिर्जना खण्डलु, पुष्प सारु रहनुभएको छ । अन्य सदस्यहरुमा बुद्धिमाया नेपाली प्रकाश राना, मिम्श्री बयम्बु र सदस्य सचिबमा प्रधानाध्यापक इश्वरी प्रसाद अर्याल रहनुभएको छ । त्यसैगरी कृष्ण बहादुर सुनारीको अध्यक्षतामा ११ सदस्यीय शिक्षक अभिभावक संघ समेत गठन गरिएको छ । कार्यक्रममा बोल्दै निस्दी गाउँपालिका कार्यपालिका सदस्य मिम्श्री बयम्बुले विद्यालय सन्चालनमा सबैको साथ र सहयोग आवश्यक रहेको बताउनुभयो । कार्यक्रममा वडाध्यक्ष मेख बहादुर सुनारीले विश्वभरी महामारीको रूपमा फैलिएको कोभिड-१९ का कारण नियमित सन्चालन हुन नसकेको बताउदै शिक्षकहरुलाई शैक्षिक सामाग्री र दैनिक पाठयोजना तयार गरि यो समय सदुपयोग गर्न सुझाव दिनुभयो । कार्यक्रममा अर्चले स्वास्थ्य चौकी प्रमुख मीन बहादुर राना,हुलाक प्रतिनिधि तोल बहादुर राई,होम राई मगर लगायतकाले आ-आफ्नो धारणा राख्नुभएको थियो । वि.स. २०१९ सालमा स्थापना भएको विद्यालयमा जम्मा ३७१ जना विद्यार्थी अध्ययनरत रहेका छन् ।