पाल्पा – पाल्पाली साहित्यकार पुष्कर अथक रेग्मी राष्ट्रिय सुसेली फाउन्डेसनद्वारा काठमाडौंमा सम्मानित हुनुभएकाे छ । फाउन्डेसनको सातौ वार्षिक दिवस समारोहको अवसरमा आयोजित कार्यक्रममा रेग्मीलाई समीक्षकको रूपमा ‘ चन्द्रा कमला शिवहरि वाग्ले सुसेली सम्मानले प्रमुख अतिथि वरिष्ठ साहित्यकार प्रा. डा.जगतप्रसाद उपाध्याय ‘प्रेक्षित’ , राष्ट्रिय सुसेली फाउन्डेसनका अध्यक्ष दुर्गा अधिकारी भमरकोटे र दाता साहित्यकार चन्द्रा न्यौपानेद्वारा सम्मान गरिएको हो ।
फाउन्डेसनले रेग्मी सहित विभिन्न विधाका पन्ध्रजना स्रष्टाहरूलाई सम्मान गरेको छ । पुष्कर अथक रेग्मी पाल्पा साहित्य समाज, शिक्षा स्वास्थ्य तथा साहित्य प्रतिष्ठान नेपालका अध्यक्ष र शीत काव्य समाज नेपालका परिकल्पनाकार समेत हुन।
उहाँ पाल्पामा बसी साहित्यिक अभियानहरू संचालन गर्दै आउनुभएकाे छ । दुई दर्जनभन्दा बढी कृति प्रकाशित गरिसकेका अथकले समीक्षा समेत लेख्दै आउनुभएकाे छ । समीक्षाको माध्यमद्वारा सुसेलीको व्यापिकरणमा योगदान पुर्याए बापत अथकलाई सम्मान गरिएको हो ।
अन्य सम्मानित व्यक्तित्व र सम्मानहरू
१.चन्द्रा-कमला-शिवहरि वाग्ले सुसेली सम्मान : स्रष्टा / समीक्षक पुष्कर अथक रेग्मी
२.जन्मभूमि सुसेली सम्मान : वरिष्ठ कवि ठाकुर शर्मा भण्डारी
३.डा. शेष-चन्द्रा न्यौपाने सुसेली सम्मान : वरिष्ठ कवि डा. यज्ञश्वर निरौला
४. राम-सुशीला सुसेली सम्मान : वरिष्ठ कवि प्राज्ञ डा. देवी नेपाल
५. सुचिता-ऋतु सुसेली सम्मान : वरिष्ठ साहित्यकार प्रा. डा.जगतप्रसाद उपाध्याय ‘प्रेक्षित’
६. केशव-विमला सुसेली सम्मान : वरिष्ठ कवि वेदमणि घिमिरे
७. कमला देवकोटा सुसेली सम्मान : वरिष्ठ कवि प्राज्ञ डा. हेम पौडेल
८. बम-जानुका सुसेली सम्मान : वरिष्ठ कथाकार प्राज्ञ माया ठकुरी
९. मुरली-सरस्वती सुसेली सम्मान : वरिष्ठ साहित्यकार प्रा.डा.रामप्रसाद ज्ञवाली
१०. कृष्ण-गुनु सुसेली सम्मान : कविन्द्र कलानिधि दाहाल
११. गंगा सुसेली सम्मान : महाकाव्यकार चन्द्रप्रसाद न्यौपाने
१२. गंगा सुसेली सम्मान : समीक्षक अरुण नदी खत्री ।
१३. चन्द्रा-कमला-शिवहरि वाग्ले सुसेली सम्मान : वरिष्ठ साहित्यकार एवम् पत्रकार छविरमण सिलवाल
१४. राष्ट्रिय सुसेली फाउन्डेसन सम्मान : प्रकाशक, साहित्यकार एव मिडियाकर्मी दामोदर ढकाल ‘दीपक’ ।
१५. राष्ट्रिय सुसेली फाउन्डेसन सम्मान : साहित्यकार एवम् टेलिभिज कार्यक्रम प्रस्तोता सुशीला ढकाल अधिकारी । सम्मानित व्यक्तित्वहरूमा रानीमहल समाचार हार्दिक बधाई ज्ञापन गर्दछ ।
