पाल्पा – जिल्लाको रम्भा गाउँपालिका–१, स्थित कालीगण्डकी नदी किनारमा एक जना पुरुषको शब फेला परेको छ ।
शुक्रबार दिउँशो कालीगण्डकीस्थित बीसमुढे घाटमा रम्भा–१, असेर्दीका ५२ वर्षीय संजय बोटेको शब फेला परेको जिल्ला प्रहरी कार्यालय पाल्पाले जनाएको छ ।
बिहीबार माछा मार्न भनी नदीमा जानुभएका बोटे अर्को दिन मृत फेला परेको जिल्ला प्रहरी कार्यालय पाल्पाका प्रहरी निरीक्षक सन्दीप बेल्बासेले जानकारी दिनुभयो । घटनाबारे थप अनुसन्धान भइरहेको उहाँले जानकारी दिनुभयो ।
