पाल्पा – नेपाल पत्रकार महासंघ पाल्पा शाखाले शुक्रबार काठमाडौँमा भएको आन्दोलनमा समाचार संकलन गर्ने क्रममा ज्यान गुमाएका पत्रकार सुरेश रजक र सञ्चारगृहमाथिको भएको आक्रमणविरुद्ध विरोधमा सभा गरेको छ ।
शनिबार दिउँसो तानसेनस्थित आन्दोलनचोकमा आयोजित विरोधसभामा अध्यक्ष कमलराज तिमिल्सेनाले घटनामा संलग्न दोषीलाई तत्काल पक्राउ गरी कडा कारबाही गर्न माग गर्नुभयो ।
महासंघका निवर्तमान अध्यक्ष रेखीराम राना, नेपाल प्रेस युनियनका केन्द्रीय उपाध्यक्ष माधव अर्याल, प्रेस चौतारी नेपालका केन्द्रीय सदस्य मिलन विक, महासंघका संस्थापक सचिव भरत शर्मालगायतले जनतालाई सु–सूचित गराउने पत्रकारको ज्यानै जाने र सञ्चार संस्थाहरुमाथि आक्रमण गर्नु घोर आपत्तिजनक, निन्दनीय र भत्र्सनायोग्य कार्य रहेको बताउनुभयो । कार्यक्रम अध्यक्ष तिमिल्सेनाको अध्यक्षता र सचिव रामचन्द्र रायमाझीको संचालनमा भएको हो ।
