पाल्पा – स्वास्थ्य कार्यालय पाल्पाको आयोजनामा विद्यालयमा कार्यरत स्वास्थ्य विषय शिक्षक तथा विद्यालय नर्सहरुको लागि स्वास्थ्य तथा पोषण सम्बन्धि तालिम तानसेनमा भएको छ ।
३ दिनसम्म चल्ने तालिममा विद्यालय स्वास्थ्य कार्यक्रम, पोषण तथा खाध्य स्वच्छताको विषयमा तालिम दिइने छ ।
तालिममा शिक्षा विकास तथा समन्वय इकाईको समेत समन्वय रहेको छ । तालिममा स्वास्थ्य कार्यालय पाल्पाका विश्वनाथ न्यौपाने, शिक्षा विकास तथा समन्वय इकाईका शाखा अधिकृत बसन्तराज भट्टलगायतले सहजिकरण गर्नुभएको छ ।
बिहिवारबाट १० वटा पालिकाका ३० जना सहभागिता रहेको तालिम शनिवारसम्म चल्ने स्वास्थ्य कार्यालय पाल्पाले जनाएको छ ।
