तानसेन – पालिका स्तरीय डाउनटाउन नकआउट क्रिकेट प्रतियोगिताको उपाधि तानसेन क्रिकेट क्लबले हात पारेको छ । रैनादेवी छहरालाई ४९ रनले पछि पार्दै तानसेनले पालिका स्तरीय क्रिकेटको उपाधि हात पारेको हो ।
टस जितेर व्याटिङमा उत्रेको तानसेनले निर्धारित २० ओभरको खेलमा ८ विकेट गुमाएर १३९ रन जोडेको थियो । १४० रनको लक्ष्य लिएर मैदान उत्रेको रैनादेवी छहरा निर्धारित ओभरमा ८ विकेट गुमाएर ९० रनमै समेटियो ।
विजयी तानसेनले ५० हजार र उपविजयी रैनादेवी छहरालाई २५ हजार नगद पुरस्कार, मेडल, प्रमाणपत्र र ट्रफी पाएको लियो क्लब अफ पाल्पा दोस्रोका अध्यक्ष विक्रम घिमिरेले जानकारी दिनुभयो ।
