पाल्पा - नेपाल सम्बत ११४३ को अबसरमा तानसेनमा विविध कार्यक्रम गरिएकाे छ । पासा खल पाल्पाको आयोजनामा बुधबार टुंडिखेलमा रहेको राष्ट्रिय विभूति शंखधर साख्वाको सालिकमा माल्यार्पण समेत गरिएकाे छ । संस्थाका अध्यक्ष देबेन्द्रमान बज्राचार्यकाे अध्यक्षता र तानसेन नगरका प्रमुख सन्ताेषलाल श्रेष्ठकाे प्रमुख आतिथ्यतामा कार्यक्रम भएकाे हाे । कार्यक्रममा प्रमुख अतिथि श्रेष्ठले शंखधर शाख्वाले चलाएकाे नेपाल सम्वतले आम नेपालीकाे शीर उचाे भएकाे बताउनुभयाे । उहाँले नेपालीकाे सम्पूर्ण ऋण तिरेर शाख्वाले नेपाल सम्वत चलाएकाे बताउँदै उहाँले शाख्वाकाे सबैले सम्मान गर्नुपर्ने उहाँले बताउनुभयाे । कार्यक्रममा नेवार समुदायबाट निर्वाचित स्थानीय तहका जनप्रतिनिधहरूलाइ सम्मान गरिएकाे थियाे । यस्तै माेटर साइकल र्याली समेत गरिएकाे थियाे । कार्यक्रम उपाध्यक्ष देबप्रसाद बज्राचार्यको स्वागत, सचिव सौन्दर्यवति शाक्यको सन्चालन र संस्थाका अध्यक्ष देबेन्द्रमान शाक्यको सभापतित्वमा सम्पन्न भएको हो । त्यसैगरी नेपाल सम्बतकै अबसरमा इलेभेन ब्रदर्सको आयोजनामा मोटरसाइकल र्याली सप्पन्न भएको थियो ।