Erani Mahal
लुम्बिनी प्रदेशका १२ वटै जिल्लाका ट्राफिक प्रहरीलाई १६ वटा मोटरसाइकल प्रदान
lumbini_trafic-bike
लुम्बिनी प्रदेश सरकारले प्रदेशका १२ वटै जिल्लाका ट्राफिक प्रहरीलाई १६ वटा मोटरसाइकल प्रदान गरेको छ । बुटवलस्थित प्रदेश ट्राफिक प्रहरी कार्यालयमा एक कार्यक्रमको आयोजना गरी लुम्बिनी प्रदेश सरकारका आन्तरिक मामिला, कानुन तथा सञ्चारमन्त्री तिलकराम शर्माले प्रदेश प्रहरी प्रमुख नलप्रसाद उपाध्यायलाई हस्तान्तरण गर्नुभएको छ । मोटरसाइकलहरू आवश्यकता अनुसार प्रदेशका जिल्लाहरूमा वितरण गरिने प्रदेश ट्राफिक प्रहरी कार्यालयले जनाएको छ । मन्त्रालयले ४४ लाख ९४ हजार ४ सय मूल्यका ती मोटरसाइकल प्रहरीलाई प्रदान गरेको मन्त्रालयका सचिव कोमलप्रसाद धमलाले जानकारी दिनुभयो । मोटरसाइकल हस्तान्तरण कार्यक्रममा बोल्दै सञ्चारमन्त्री शर्माले प्रहरी जनताको साथी भएकाले जनताकै रेखदेखमा सहयोग पुग्ने आशासहित मोटरसाइकल उपलब्ध गराएको बताउनुभयो ।
प्रकाशित मिति: बिहीबार, साउन १९, २०७९  १३:५८
प्रतिक्रिया दिनुहोस्
Weather Update