बुटवल – बुटवल उपमहानगरपालिकाको निर्माणाधीन भवनमा करेन्ट लागेर एकजनाको मृत्यु भएको छ भने दुई जना घाइते भएका छन् । ईलाका प्रहरी कार्यालय बुटवलका अनुसार उक्त भवनमा विद्युत पोलबाट लाइन तान्ने क्रममा करेन्ट लागेर विद्युत प्राधिकरण बुटवलका कर्मचारी बसन्त भुसालको मृत्यु भएको जनाएको छ । [caption id="attachment_5936" align="alignnone" width="768"] सांकेतिक तस्वीर[/caption] अर्घाखाँची घर भएका ४३ वर्षीय भुसालको उपचारको क्रममा मृत्यु भएको हो । करेन्ट लाग्दा भवन निर्माणमा दैनिक ज्यालादारीमा काम गर्ने रुपन्देही सम्मरीमाई गाउँपालिकाका २८ वर्षीय जितेन्द्र लोध र बर्दिया राजापुर नगरपालिका–१६ का २८ वर्षीय राजगोपाल चौधरी घाइते भएका छन् । प्रहरी कार्यालय बुटवलका प्रमुख एवं डीएसपी ठगबहादुर केसीले करेन्ट लागेर गम्भीर घाइते भएका भुसालको लुम्बिनी प्रादेशिक अस्पतालमा उपचारका क्रममा मृत्यु भएको जनाकारी दिनुभयो । घाइते दुवैको अवस्था भने समान्य रहेको उहाँल बताउनुभयोे ।