काठमाडौं– कोभिड १९ को नयाँ भेरियन्ट (ओमीक्रोन स्ट्रेन) फैलिन थालेपछि गृह मन्त्रालयले अफ्रिकी नागरिकलाई नेपाल प्रवेशमा रोक लगाउने निर्णय गरेको छ। अफ्रिकी मुलुकमा कोरोना भाइरसको नयाँ भेरियन्ट (ओमीक्रोन स्ट्रेन) देखा परेको र उक्त स्ट्रेन अन्य देशमा पनि फैलिँदै गएपछि अर्को व्यवस्था नभएसम्मका लागि अफ्रिकी नागरिकलाई नेपाल प्रवेशमा रोक लगाउने निर्णय गरिएको गृह मन्त्रालयका प्रवक्ता फणिन्द्रमणि पोखरेलले जानकारी दिनुभयो । अफ्रिकी नागरिकलाई नेपाल प्रवेशमा रोक लगाउने आदेश अध्यागमन विभागलाई आइतबार दिइसेकेको पोखरेलले बताउनुभयो । उहाँका अनुसार कूटनीतिक, सरकारी औपचारिक र आपतकालीन काम बाहेकक अफ्रिकी नागरिकलाई नेपाल प्रवेशमा तत्काललाई रोक लगाउने आदेश अध्यागमनलाई दिइएको छ।