धनबहादुर ठाडा, पाल्पा – पाल्पा जिल्लाको निस्दी गाउँपालिकामा प्रथम निस्दी खेलकुद महोत्सव हुने भएको छ । महोत्सव यहि कार्तिक १० गते देखि २ दिनसम्म सञ्चालन हुने भएको छ । परिवर्तनको लागि युवा निस्दी – ४ , मित्याल , झ्यालतुङको आयोजनामा खेलकुद महोत्सव हुन लागेको हो ।
खेलको मध्यमबाट निस्दीको प्रचारप्रसार तथा पर्यटन प्रवर्द्धनमा टेवा पुर्याउने उद्देश्यले खेलकुद महोत्सव आयोजना गरेको आयोजक समितिका अध्यक्ष रोमन गाहाले बताउनुभयो ।
पुरुष भलिबल प्रतियोगिता तर्फ प्रथम, द्वितिय र तृतीय क्रमश १ लाख, ५० हजार, २५ हजार पाउने छन । खेलकुद महोत्सव पलिकाको खेलमैदान झ्यालतुङमा हुने कार्यक्रम संयोजक पुनाराम सुनारीले बताउनुभयो ।
खेलकुद महोत्सवमा विभिन्न मगरी खानाको परिकार तथा लोक सांस्कृति झल्किने स्थानीय झाँकी नाचको प्रस्तुति रहने आयोजकले जनाएको छ।
प्रकाशित मिति: बिहीबार, कात्तिक ४, २०७८ १३:४१
प्रतिक्रिया दिनुहोस्
साताको लोकप्रीय