X
115
Shares

तानसेनको दशैँघरमा फूलपाती भित्र्याइयो

रानीमहल संवाददाता || २६ आश्विन २०७८,मंगलवार १३:४९

पाल्पा – बडा दशैँको सातौँ दिन सप्तमीको दिन पाल्पाको तानसेनस्थित दशैँघरमा फूलपाती भित्र्याइएको छ । तानसेनको सिल्खानटोलमा रहेको दशैँ घरमा नेपाली सेना सहितको टोलीले फूलपाती भित्र्याएको हो । फूलपातीको रुपमा केराको पात, अदुवा, दारिम, बयर, फूललाई दशैँघरमा भित्र्याउने परम्परा रहेको छ ।

दुई सय वर्षअघि पाल्पामा तैनाथ तत्कालिन जनरल कर्णेल उजीरसिंह थापाले दशैँघरमा फूलपाती भित्र्याउने परम्पराको सुरुवात गर्नुभएको थियो । सोही परम्परा अनुसार दशैँ घरमा फूलपाती भित्र्याइएको नेपाली सेनाले जनाएको छ । जिल्ला प्रशासन कार्यालय परिसर सिल्खानटोलस्थित दशैँघरमा रहेको कोतघरमा भगवती मन्दिरबाट सलामीसहित घटस्थापनादेखि पूजाआजा गर्ने परम्परा रहेको छ ।

घटस्थापनादेखि सिलेखाना (हतियार खाना) परिसरमा रहेको कोतघरमा दैनिक सैनिक सलामी सहित पूजाआजा गरिन्छ । पाल्पाका प्रमुख जिल्ला अधिकारी, सैनिक, प्रहरी र मन्दिरका पुजारी दरबार परिसरमा रहेको दशैँघरबाट बाजागाजा सहित फूलपाती लिन नेपाली सेनाको गोरख दल गण नागपोखरी व्यारेक गएका थिए ।

यस्तै पाल्पाका विभिन्न शक्तिपीठहरूमा मङ्गलबार बिहानैदेखि पूजाआजा सुरू भएको छ । पाल्पाको भैरवस्थान, भगवती मन्दिर, जिल्लाका विभिन्न स्थानमा रहेका कोटघर, थुम्कामा बली दिने, भाकल गर्ने क्रम सुरू भएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys