पाल्पा– पाल्पामा शनिवार देखि कोरोना भाइरस विरुद्धको खोप जिल्लाका विभिन्न सामुदियक तथा संस्थागत विद्यालयका शिक्षक तथा कर्मचारीलाई लगाइने भएको छ ।
जिल्लामा अन्य क्षेत्रमा प्राथमिकतामा नपरेको भन्दै जिल्लाका शिक्षकहरुले आन्दोलन र धर्नाका कार्यक्रम सुरु गरेपछि स्वास्थ्य कार्यालयले साउन १६ गतेदेखि खोप दिन थालेको स्वास्थ्य कार्यालयका सूचना अधिकारी ओम प्रकाश पन्थीले बताउनुभयो । उनीहरुलाइ भेराेसेल खाेप लगाउने तय भएकाे छ ।
पन्थीका अनुसार पाल्पा जिल्लामा रहेका सामुदायिक तथा संस्थागत विद्यालयका शिक्षक कर्मचारी गरी ४ हजार २ सय २७ जनालाई खोप दिने कार्यक्रम रहेको छ । याे संख्या ५० वर्ष मुनी उमेर समूहकाे रहेकाे छ । ५० वर्ष माथिकाले भने खाेप लगाइसकेकाे स्वास्थ्य कार्यालयले जनाएकाे छ ।
त्यसका लागि सबै पालिकाबाट तथ्यांक संकलन गरी काम सुरु गरिएको छ । पाल्पामा सबैभन्दा धेरै तानसेनमा ८ सय, रामपुरमा ७ सय शिक्षक कर्मचारीलाई खोप दिइने छ ।
हेर्नुहोस पाल्पाका १० पालिकामा कहाँ कति शिक्षकलाई खोप दिइैदै छ :
प्रकाशित मिति: शुक्रबार, साउन १५, २०७८ १२:१९
प्रतिक्रिया दिनुहोस्
साताको लोकप्रीय