X
85
Shares

पाल्पामा मध्य असारभित्रै सकियाे ५० प्रतिशत राेपाइँ

रानीमहल संवाददाता || १६ असार २०७८,बुधबार १९:५५

पाल्पा – पाल्पामा ५० प्रतिशत बढी क्षेत्रफलमा धान रोपाइँ सकिएको छ । समयमै पानी परेका कारण यो वर्ष असारको दोस्रो सातासम्ममा पाल्पामा ५० प्रतिशत भन्दा बढी भूभागमा रोपाइँ सकिएको हो ।

मनसुन चाडैँ सुरु भएकोले पाल्पाको अधिकांश स्थानमा रोपाइँ छिट्टै भएको कृषि ज्ञान केन्द्र पाल्पाले जनाएको छ । धान खेतीका लागि आवश्यक पर्ने पानी पुगेपछि रोपाइँ छिटो भएको कृषि ज्ञान केन्द्र पाल्पाका प्रमुख शिवप्रसाद अर्यालले बताउनुभयो । अब मकै खेती हुने स्थानमा बाहेक अन्य स्थानमा रोपाइँ सकिने अवस्थामा पुगेको उहाँले बताउनुभयो ।

ज्यामीको अभाव नहुँदा पनि धान खेती समयमै भएको उहाँको भनाई छ । लकडाउनका कारण मानिस अन्य काममा निस्केका छैनन्, घरमै भएका मानिस रोपाइँमा खटिएको अर्यालले बताउनुभयो ।

गत वर्ष यही समयमा ३० प्रतिशत मात्र खेती भएको थियो । यो वर्ष अधिकांश स्थानमा रोपाइँ भइरहेको छ । पाल्पामा नौँ हजार छ सय हेक्टर क्षेत्रफलमा धान रोपाइँ हुँदै आएको छ ।

पाल्पाको माडीफाँट, रामपुर, कचल, झडेवा, पूर्वखोला लगायतका फाँटमा धान रोपाइँ अन्तिम चरणमा पुगको ज्ञान केन्द्रले जनाएको छ । रामपुर फाँटको केही भाग र अर्गली फाँटमा भने अहिले पनि मकै नपाकेकाले रोपाइँ हुन बाँकी रहेको केन्द्रले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys