पाल्पा – पाल्पामा मंगलबार थप ३७ जनामा कोरोना संक्रमण पुष्टि भएको छ । पीसीआर परीक्षणका क्रममा १८ जना र एनटिजीन परीक्षणका क्रममा १९ जना गरी ३७ जनामा कोरोना संक्रमण पुष्टि भएको स्वास्थ्य कार्यालय पाल्पाले जनाएको छ ।
मंगलबार रामपुरका २, माथागढीका १, पूर्वखोलाका २, रैनादेवी छहराका १, तिनाउका १२, बगनासकालीका ५, तानसेनका १४ जनामा कोरोना संक्रमण पुष्टि भएको स्वास्थ्य कार्यालय पाल्पाका सूचना अधिकारी ओमप्रकाश पन्थीले जानकारी दिनुभयो । मंगलबार ५५ जना संक्रमित निको भएका छन् ।
उहाँका अनुसार पाल्पामा हालसम्म ७०० जना होम आइसोलेसनमा रहेका छन् भने ५३ जना अस्पतालमा उपचाररत छन् । यसैबीच पाल्पामा कोरोनाका कारण मृत्यु हुनेको संख्या १ सय पुगेको छ ।
प्रकाशित मिति: मंगलबार, असार १, २०७८ १६:०४
प्रतिक्रिया दिनुहोस्
साताको लोकप्रीय