X
100
Shares

पाल्पाकाे रामपुर अस्पतालमा अक्सिजन प्लान्ट र एचडिओ सञ्चालन गर्न १ कराेड ५५ लाख बजेट

रानीमहल संवाददाता || ३१ जेष्ठ २०७८,सोमबार १५:४३

पाल्पा – जिल्लाको पूर्वी भेगमा रहेको रामपुर अस्पतालमा अक्सिजन प्लान्ट स्थापना गर्न संघीय सरकारले बजेट सहमति दिएको छ । रामपुर अस्पतालमा अक्सिजन प्लान्ट स्थापना गर्न ७५ लाख बजेट अर्थ मन्त्रालयबाट सहमति प्राप्त भएको हो ।

यस्तै सोही अस्पतालमै एचडिओ स्थापनाका लागि समेत ७५ लाख बजेट निकासा सहमति भएको पाल्पाका निवर्तमान सांसद एवं पूर्वमन्त्री दलबहादुर रानाले जानकारी दिनुभएको छ ।

उहाँले आफ्नो फेसबुकमार्फत यसअघि पाल्पा अस्पताललाई अक्सिजन प्लान्ट स्थापनका लागि बजेट विनियोजन गर्दा रामपुर अस्पताललाई बेवास्ता गरेको भनेर सुनेकाले आफूलाई रामपुर अस्पतालको पक्षमा पहल गर्न अवसर मिलेको बताउनुभएको छ ।

उहाँले अब रामपुर अस्पतालमा पनि कोरोना संक्रमित बिरामीको उपचार गर्न अक्सिजन प्लान्ट र एचडिओ स्थापना हुने भएकाले खुसी व्यक्त गर्नुहुँदै बजेट सहमतिका लागि सहयोग गर्नुहुने नेपाल सरकार, अर्थमन्त्री, प्रदेशका जनप्रतिनिधि, नेपाल सरकारका कर्मचारीलगायतलाई धन्यवाद दिनुभएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys