X
895
Shares

पाल्पाका बजारमा अनुमति विनाका सेनिटाइजर छ्याप्छ्याप्ती !

रानीमहल संवाददाता || २३ जेष्ठ २०७८,आईतवार १८:१०

पाल्पा – जिल्ला सदरमुकाम तानसेन लगायत पाल्पाका ग्रामिण क्षेत्रमा समेत अनुमति नलिइ बेचिएका सेनिटाइजर र माक्स छ्याप्छ्याप्ती भेटिएको छ । अनुगमन गर्ने निकायको बेलैमा अनुगमन नहुँदा गाउँ गाउँसम्म इजाजत विनाको सेनिटाइजर र माक्सहरु विक्री वितरण भएको हो ।

पाल्पाका गाउँ गाउँसम्म औषधी व्यवस्था विभागमा अनुमति स्वीकृति विना उत्पादन गरिएका सेनिटाइजरहरु विक्री वितरण गरेको पाइएको हो । औषधी विभागमा कुनै पनि स्वास्थ्य सामग्री उत्पादन र विक्री वितरण गर्नुपूर्व दर्ता गरी इजाजत लिनुपर्नेमा त्यसो नगरी केही कम्पनीबाट उत्पादन गरिएका सेनिटाइजर विक्री वितरण गरेको बजार अनुगमनकाे क्रममा पाइएको हाे ।

बजारका औषधी पसल, मार्ट, तरकारी पसलमा सहायक प्रमुख जिल्ला अधिकारीको नेतृत्वमा प्रशासनले अनुगमन गरी बेचिएका सेनिटाइजरहरु जफत समेत गरेको छ । मन्त्रालय र औषधि व्यवस्था विभागकाे निर्देशन अनुसार अनुमति प्राप्त स्यानिटाइजर मात्र बिक्रीका लागि स्वीकृति दिइएकाे अन्य स्यानिटाइजर जफत गरिएकाे पाल्पाका प्रमुख जिल्ला अधिकारी याेगेन्द्र प्रसाद पाण्डेले जानकारी दिनुभयाे ।

उहाँले औषधि व्यवस्था विभागबाट स्वीकृत प्राप्त ६१ कम्पनीबाट उत्पादन भएका स्यानिटाइजरकाे मात्र बिक्री वितरण गर्न पसललाइ निर्देशन दिइएकाे बताउनुभयाे ।

पाल्पाका बजारहरुमा भ्यान तथा मोटरसाइकलमा छिमेकी जिल्ला रुपन्देही, नवलपरासी, कपिलवस्तु र भारतलगायतका स्थानबाट सेनिटाइजर र माक्स ल्याएर विक्री वितरण भइरहँदा समेत प्रशासनले समयमै अनुगमन गर्न नसकेको एक औषधी व्यवसायीले नाम नलेख्ने सर्तमा भन्नुभयो, पहिले वास्तै नगरी छाड्ने अहिले अनुगमन गरेर केही अर्थ भएन ।
प्रशासनले इजाजत विनाका सेनिटाइजरहरु ७५ लिटर बढी जफत गरेको छ ।

प्रशासन, घरेलु तथा साना उद्योग कार्यालय, नगरपालिका, प्रहरी आदिको समन्यवमा प्रशासनले अहिले बजार अनुगमन समेत तीव्र बनाएको छ । यस अघि रैनादेवी छहरामा समेत यस्तै अवैधानिक सेनिटाइजर विक्री वितरण भएको पाइएको थियो ।

जहाँ तही सेनिटाइजर र माक्सको कारोवार
औषधी पसलको अलावा अहिले बजारमा तरकारी पसल, फेन्सी, किराना, स्टेशनरी, कस्मेटिक्स जता सुकै माक्स र सेनिटाइजरको विक्री वितरण भइरहेको छ । औषधी पसल वा इजाजत प्राप्त संस्था बाहेक अन्य क्षेत्रमा मास्क, सेनिटाइजर लगायतका स्वास्थ्य सामग्री विक्री वितरण गर्न पाइने नपाइने के हो ? त्यस विषयमा भने निकायहरुको ध्यान जान सकेको छैन ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys