X
815
Shares

पाल्पामा काेराेना संक्रमित घट्दैं, निकाे हुने बढ्दैँ !

रानीमहल संवाददाता || ९ जेष्ठ २०७८,आईतवार १८:०९

पाल्पा – पाल्पामा कोरोना संक्रमित हुनेको संख्या क्रमशः घट्दो छ भने निको हुने संक्रमितको संख्या बढ्दै गएको छ । पछिल्लो तीन दिनयता कोरोना संक्रमित हुनेको संख्याको तुलनामा निको हुने संक्रमितको संख्या बढेको हो ।

आइतबार ९५ जना मात्र नयाँ संक्रमित थपिएका छन् भने १३३ जना निको भएका छन् । पछिल्लो केही दिनयता संक्रमित हुनेको संख्याको तुलनामा निको हुनेको संख्या बढ्दै गएको स्वास्थ्य कार्यालय पाल्पाले जनाएको छ ।

यस्तै सक्रिय संक्रमितको संख्यासमेत एक हजार ५०० बाट घटेर १ हजार ४२० मात्र छ । जिल्लाको तथ्यांक हेर्ने हो भने अहिले तानसेनमा क्रमशः घट्दै गएको छ भने ग्रामीण भेगमा भने अहिले पनि भयाबह नै छ । जिल्लाको ग्रामीण भेगका गाउँपालिकामा कोरोनाको संक्रमण बढेको तथ्यांक आइ्रतबार सार्वजजिक भएको छ ।

आइतबार तानसेनको पीसीआर जाँचको रिपोर्ट अनुसार तानसेनमा ११४ जनामा पीसीआर गरिएकोमा ३६ जना मात्र कोरोना संक्रमित देखिएका छन् । उता पूर्वखोलामा भने ४१ जनामा गरिएको परीक्षणमा ३२ जना संक्रमित देखिएका छन् ।

माथागढीको ५ जनामा ४ जना संक्रमित देखिएका छन् । यो हिसाबले ग्रामीण क्षेत्रमा कोरोना संक्रमण फैलदो रहेको स्वास्थ्य कार्यालय पाल्पाका सूचना अधिकारी ओमप्रकाश पन्थीले बताउनुभयो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys