Erani Mahal
पाल्पा- तिनाउ गाउँपालिकामा एक युवकको डुबेर मृत्यु भएको छ । तिनाउ गाउँपालिका वडा नं ३ तल्लो सिद्दबाबास्थित तिनाउ खोलामा पौडी खोल्न क्रममा डुबेर एक युवकको शनिबार मृत्यु भएको हो । जिल्ला प्रहरी कार्यालय पाल्पाका अनुसार मृत्यु हुनेमा रुपन्देही, बुटवल उपमहानगरपालिका वडा नं ९ बस्ने १८ वर्षीय हेमन्त शर्मा रहेका छन् । त्यसै गरी कपिलवस्तु, बुद्धभूमि नगरपालिका वडा नं १० मलवा बस्ने महेन्द्र कुर्मीको ९ वर्षीय छोरा आदर्श कुर्मीको घरबाट १ किमि टाढा वाणगंगा खोलामा पौडी खोल्ने क्रममा डुबेर शनिबार मृत्यु भएको छ । प्रहरीका अनुसार शनिबार बिहान घरबाट निस्कीएका उनी साथीहरुसँग उक्त खोलामा पौडी खेल्न गएकोमा साँझसम्म पनि घर नफर्कीएपछि खोजी गर्ने क्रममा डुवीरहेको अवस्थामा उनको शव फेला परेको हो । दुवै घटनाको सम्बन्धमा प्रहरीले थप अनुसन्धान गरिरहेको जनाएको छ ।
प्रकाशित मिति: सोमबार, वैशाख ६, २०७८  १७:५९
प्रतिक्रिया दिनुहोस्
Weather Update