X
260
Shares

निस्दीमा तेस्रो अध्यक्ष कप महिला तथा पुरुष भलिबल प्रतियोगिता शुरु

हाेम राई मगर || २१ चैत्र २०७७,शनिबार १९:५७

पाल्पा- निस्दी गाउँपालिका पाल्पामा तेस्रो अध्यक्ष कप महिला तथा पुरुष भलिबल प्रतियोगिता सन्चालन शुक्रवार देखि शुरु भएको छ । निस्दी खेलकुद समन्वय समितिका अध्यक्ष नबिन्द्र थापा सोतीको अध्यक्षतामा चलेको कार्यक्रमको मुख्य पाहुना गाउँपालिकाका अध्यक्ष मुक्त बहादुर सारु रहनु भएको हो ।

प्रतियोगितालाई उद्घाटन गर्दै प्रमुख अतिथि सारुले खेलकुदको बिकासमा युवाहरूको भुमिका महत्त्वपूर्ण हुने बताउदै निस्दीलाई खेलाडीहरुको गाउँपालिका भनेर चिनाउनु पर्नेमा जोड दिनुभएको थियो ।

शुक्रवार सन्चालन भएको पुरुष भलिबल प्रतियोगितामा वडा नम्बर-४,मित्यालले वडा नम्बर-७,ज्यामिरेलाई २५-१०,२५-११ र १५-४ को अन्तरमा, वडा नम्बर-५,गल्धाले वडा नम्बर-३,झिरुबासलाई २५-२३ र २५-२० को सोझो सेटमा पराजित गरेका थिए भने निस्दी-१,बाकामलाङले वडा नम्बर-६,अर्चलेलाई २८-२६ र २५-२० को अन्तरमा पराजित गरेका थिए । त्यसैगरी महिला भलिबलमा ज्यामिरेले सहलकोटलाई २०-२५,२५-२३ र २५-१३ को अन्तर पराजित गरेका थिए । लिग सिस्टममा सन्चान भएको प्रतियोगिताको दोस्रो दिन शनिबार पुरुष भलिबलमा ज्यामिरे र सहलकोट र महिला भलिबलमा मित्याल र झिरुबाँस बिच प्रतिस्पर्धा हुनेछ ।

समितिका सचिब प्रेम बहादुर बाकाबलको सन्चालनमा भएको प्रतियोगिता निस्दी गाउँपालिकाको झ्याल्टुङ खेल मैदानमा सन्चालन भएको प्रतियोगितामा ७ वटै वडाको सहभागिता रहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys