X
55
Shares

रामपुरमा सूर्यमुखी फुलकाे पकेट क्षेत्र बनाइने

रानीमहल संवाददाता || १९ चैत्र २०७७,बिहीबार १८:५३

पाल्पा- सुर्यमुखी पकेट सम्बन्धी अभिमुखिकरण कार्यक्रम पाल्पाको रामपुरमा भएको छ । सुर्यमुखी पकेट संचालन समिति रामपुर नगरपालिका वडा नं ५ को आयोजना र कृषि ज्ञानकेन्द्र पाल्पाको आर्थिक सहयोगमा कार्यक्रम भएको हो । पकेट समितिका अध्यक्ष बलबहादुर रानाको अध्यक्षतामा भएको कार्यक्रममा प्रमुख अतिथि कृषि ज्ञानकेन्द्रका प्रमुख शिवप्रसाद अर्याल रहनुभएकाे थियाे ।

उनले पाल्पा जिल्लाको रामपुर नगरपालिकामा तोकेर कार्यक्रम परेको बताउदै सुर्यमुखीलाई पाल्पामा उदाउदो बालिका रुपमा लिने गरिएको बताउनुभयाे । रामपुर सुर्यमुखीको लागि सम्भावना क्षेत्र रहेकाले आयआर्जनतर्फ कृषकलाई उन्मुख गराउन पकेट कार्यक्रम संचालन गरिएको अध्यक्ष अर्यालले बताउनुभयाे ।

उहाँले यस कार्यक्रम संचालनका लागि ज्ञानकेन्द्रले छ लाख वजेट विनियोजन गरेको बताउदै पकेट क्षेत्रमा आबद्द कृषकले कम्तीमा पनि दुई रोपनि क्षेत्रफलमा सुर्यमुखी खेति गर्नुपर्ने बताउनुभयाे ।

यस कार्यक्रमलाई जिल्लाले महत्वका साथ हेरेको बताइएको छ । अभिमुखिकरण कार्यक्रमका अवसरमा सहभागी कृषकले सुर्यमुखी खेति, मलजल, सिंचाइ, रोग किरा, बजारिकरणका सन्दर्भमा जानकारी लिएका छन् । रामपुर नगरपालिका वडा नं ५ को बेझाड खेतमा करिव एक सय ५० रोपनी क्षेत्रफलमा पहिलोपटक पकेट क्षेत्रका रूपमा सुर्यमुखी खेति गरिदैछ ।

कार्यक्रममा रामपुर नगरपालिकाका कार्यवाहक नगर प्रमुख तथा वडा नं ५ का वडा अध्यक्ष हिमाल मल्लले वडा नं ५ भित्र तोरीमा र सुर्यमुखी खेतिमा पकेट कार्यक्रम संचालन गरी तेलजन्य पदार्थको आयात कम गर्ने उद्देश्य रहेको जानकारी दिनुभयाे ।

अभिमुखिकरण कार्यक्रमको अवसरमा रामपुर नगरपालिकाका कृषि शाखा प्रमुख रामहरी पाण्डेयले कृषक र जनप्रतिनिधि संग छलफल गरेर काम थालनी गरिएको र खेति गर्नका लागि कृषकको ५०% लगानी र ज्ञानकेन्द्रको ५०% अनुदानमा कार्यक्रम संचालन गरिएको जानकारी गराउदै आवश्यक परेको समयमा कृषकलाई सहयोग गर्ने बताउनुभयाे । वडा नं ६ का वडा अध्यक्ष हुमनाथ न्यौपानेले पकेट कार्यक्रम सफलताको शुभकामना दिनुभयाे ।

कार्यक्रममा स्वागत पकेट समितिका नगिलाल पौडेलले गरेका थिए । कार्यक्रमको संचालन रामपुर नगरपालिका कृषि शाखाका प्राबिधिक प्रज्वल केसीले गरेका थिए । पकेट कार्यक्रमका सन्दर्भमा कृषि ज्ञानकेन्द्रका कृषि प्रसार अधिकृत मुकेश रामजालीले जानकारी गराए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys