X
55
Shares

काेराेना बिरूद्धकाे खाेपबारे अभिमुखीकरण

रानीमहल संवाददाता || १९ फाल्गुन २०७७,बुधबार २१:३०

पाल्पा – कोरोना बिरुद्धको दोस्रो चरणको खोप लगाउन जिल्लाभरका स्थानीय तहले तयारी गरेका छन् । फागुन २३ गतेदेखि दोस्रो चरणको खोप अभियान सुरु हुँदैछ ।

त्यसका लागि तानसेन, रामपुर, रम्भा, माथागढी, तिनाउ, रैनादेवी छहरा, रिब्दीकोट, पूर्वखोला बगनासकाली र निस्दी गाउँपालिकाले समेत तयारी थालेको हो । लक्षित समूहसम्म खोप पु¥याउने उद्देश्यले अहिले जिल्लाभर नै खोपसम्बन्धी अभिमुखीकरण कार्यक्रम भईरहेको छन् ।

यसैबीच माथागढीको कसेनी स्थास्थ्य चौकीले समेत वडा खोप समन्वय समितिका पदाधिकारी सहित सरोकारवाला पक्षलाई खोप सम्बन्धी अभिमुखीकरण गरेको छ ।

बुधबार कसेनी स्वास्थ्य चौकीको आयोजनामा भएको कोरोना बिरुद्धको खोप अभिमुखीकरण कार्यक्रममा कसेनी स्वास्थ्य चौकीका इन्चार्ज गोविन्द भट्टराईले कोरोना खोपका बारेमा जानकारी दिनुभएकाे थियाे । उहाँले कोरोना खोप लगाउनुपर्ने आवश्यकता, यसको असर र आवश्यक तयारीका बारेमा जानकारी दिनुभयो । उहाँका अनुसार कसेनीमा ५५ वर्ष उमेर समूहमाथिका एक हजार ३९९ नागरिकलाई फागुन २३ गते कोरोना बिरुद्धको खोप दिने तयारी भइरहेकाे बताउनुभयो । साेही दिन सवारीचालक अनुमतिप्राप्त मानिसले समेत उक्त खाेप लगाउनेछन् ।

कार्यक्रममा वडा अध्यक्ष दिपक थापा, दिव्यज्योति माविका प्रधानाध्यापक नारायण अधिकारी, पत्रकार रेखीराम राना, गाउँ कार्यपालिका सदस्य तारा रसाली लगायतले कोरोनाकाे संक्रमणबाट बच्न सबैले खोप लगाउनुपर्नेमा जोड दिनुभएको थियो । कार्यक्रम स्वास्थ्य चौकीका अहेब पविसरा चिदीको स्वागत, गोविन्द भट्टराईको संचालन र वडा अध्यक्ष थापाको अध्यक्षतामा सम्पन्न भएको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys