X
95
Shares

चौथो युथ युनियन कपको उपाधि स्याङ्जाको वालिङलाई

सीता डाेटेल || २ फाल्गुन २०७७,आईतवार १२:५३

पाल्पा-मटेरी युथ युनियन क्लबको आयोजनामा पाल्पाको रामपुरमा भएको चौथो युथ युनियन कपको उपाधि वालिङले हात पारेको छ । इलाभेन ए साइड खुल्ला पुरुष फुटवल प्रतियोगिता अन्तर्गत फाइनल खेलमा रामपुर युनाइटेड र वालिङ एफसी भिडेका थिए ।

फाइनल र सेमिफाइनलको खेल निकै प्रतिस्पर्धाको थियो । खेल अबधिमा कुनै टिमले पनि गोल हान्न नसकेपछि थपिएको निर्धारित १० मिनेटको समयमा समेत गोल नभएपछि पेनाल्टीबाट वालिङ टिम विजेता भएको हो। पेनाल्टीमा रामपुर युनाइटेड संग ४-३ को अन्तरले वालिङले युथ युनियन कप २०७७ हात पार्न सफल भएको हो ।

विजेता वालिङले १ लाख साथमा ट्रफी, मेडल र प्रमाण पत्र प्राप्त गरेको छ भने उपविजेता रामपुर युनाइटेडले ५० हजारमा चित्त बुझायो । गत माघ २६ गतेदेखि चलेको फुटवल प्रतियोगितामा पाल्पा, स्याङ्गजा र तनहुँका गरी १२ टिमले भाग लिएको थियो ।

रामपुर नगरपालिकाका प्रमुख रमणबहादुर थापाले विजयी खेलाडीलाई पुरस्कार वितरण गर्नुहुर्दै स्थानीय खेलले नै राष्ट्रिय खेलको गरिमा बढ्ने बताउनुभयो । उहाँले खेलकुद र खेलाडीको विकासका लागि नगरपालिकाले निरन्तर साथ दिने बताउनुभयो ।

सोही अबसरमा भएको रामपुर नगरपालिकाका माविस्तरिय हाजिरीजवाफ प्रतियोगितामा प्रथम भुपु सैनिक बोर्डिङ्ग स्कुल, सीताराम मावि द्घितिय र रामतुलसी मावि तृतिय भएका छन् । जसले प्रथम पुरस्कार नगद दश हजार, द्वितीय पुरस्कार पाँच हजार, तृतीय पुरस्कार दुई हजार पाँच प्राप्त गरेको क्लबका अध्यक्ष राम बहादुर रानाले जानकारी दिनुभयो ।

क्लबका अध्यक्ष रानाको अध्यक्षतामा भएको समापन कार्यक्रममा बिजेता, उपबिजेता तथा विभिन्न बिधामा उत्कृष्ट खेलाडीलाई पुरस्कार तथा पाहुना, पूर्व खेलाडी, सहयोगीलाई मायाको चिनो प्रदान गरिएको थियो । कार्यक्रम सचिव दिपेन्द्रप्रसाद भट्टराईको संचालनमा भएको हो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५