X
345
Shares

माग सुनुवाई नभएको भन्दै पाल्पाको कोरोना अस्पताल बन्द !

रानीमहल संवाददाता || २७ पुष २०७७,सोमबार ०८:२५

पाल्पा- कोरोना परीक्षण बन्द गरेर पाल्पा कोरोना अस्पतालका डाक्टरहरु आन्दोलनमा उत्रिएका छन् । उनीहरुले अस्पताल प्रशासनलाई आफ्ना मागहरु राखेको भएता पनि कुनै सुनुवाइ नभएपछि आन्दोलनमा जानु परेको जनाएका छन् ।

आइतवार अस्पताल प्रशासन, जिल्ला प्रशासन, जिल्ला स्वास्थ्य कार्यालय, तानसेन नगरपालिका लगायतलाई बोधार्थ जारी गर्दै उनीहरुले ल्याव नै बन्द गरेर आन्दोलनमा उत्रिएको जनाएका छन् ।

१६ गते ल्यावमा कार्यरत कर्मचारीको विभिन्न मागहरुको जानकारी गराइएको र २५ गतेसम्मको अल्टिमेटम दिइएकोमा माग सुनुवाई नभएकाले आन्दोलन गर्नुपरेको ल्यावका इन्चार्ज खिमध्वज कार्कीले बताउनुभयो ।

उहाँले ल्यावमा कार्यरत कर्मचारीहरुको जोखिम भत्ता, सेवा सुविधा लगायतका विषयमा आफूहरुको असहमति रहेको तर अस्पताल प्रशासनले सुनुवाई नगरेपछि बाध्य भएर ल्याव नै बन्द गरेर आन्दोलन गर्नुपरेको बताउनुभयो ।

स्थायी कर्मचारीले सरकारले घोषणा गरेको जोखिम भत्ता पाएको तर अस्थायी करार जो फिल्डमा दिनरात खटिएको छ, त्यसलाई बन्चित गरेकाले आन्दोलन गरिएको आन्दोलनरत पक्षको भनाई छ ।

अस्पतालका मेडिकल सुपरिडेन्डेन्ट डाक्टर जगदीश कुँवरलाई यस विषयमा सम्पर्क गर्न खोज्दा हामीले समाचार तयार पार्दा सम्म उहाँको मोवाइल स्वीच अफ् भएकाले सम्पर्क हुन सकेन ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५