X
415
Shares

पाल्पामा १३ संक्रमित थपिए, थप १ जनाको मृत्यु

सुशिल नेपाल || १८ पुष २०७७,शनिबार १३:३७

पाल्पा – पाल्पामा थप १३ जनामा कोरोना भाइरसको संक्रमण पुष्टि भएको छ ।

तानसेन नगरपालिकाभित्रका ७ जनासहित थप १३ जनामा संक्रमण पुष्टि भएको स्वास्थ्य कार्यालयले जनाएको छ । पछिल्लो दुई दिनमा यी संक्रमित थपिएका हुन् । थपिने संक्रमितमा बगनासकाली गाउँपालिकाका ३ जना छन् । त्यस्तै रामपुर नगरपालिका, रैनादेवी छहरा र रिब्दिकोट गाउँपालिकामा पनि १/१ जना संक्रमित थपिएका छन् ।

योसंगै पाल्पामा कोरोना संक्रमितको कुल संख्या १ हजार ८ सय २१ पुगेको छ । तिमध्ये १ हजार ७ सय २५ जना निको भएका छन् । हाल ६५ जना सक्रिय संक्रमित छन् । संक्रमितमध्ये ३१ जनाको मृत्यु भएको छ । शुक्रबारमात्रै पाल्पामा थप १ संक्रमितको मृत्यु भएको छ ।

बगनासकाली गाउँपालिका १ का ७६ वर्षीय संक्रमित पुरुषको उपचारका क्रममा लुम्बिनी मेडिकल कलेज प्रभासमा मृत्यु भएको स्वास्थ्य कार्यालयका सूचना अधिकारी ओमप्रकाश पन्थीले ईरानीमहललाई जानकारी दिनुभयो । पन्थीका अनुसार, केही दिनअघि युनाईटेड मिशन अस्पतालमा भर्ना हुनुभएका पुरुषलाई शुक्रबार नै मेडिकल कलेज रिफर गरिएको थियो । पुरुषमा गत मंगलबार कोरोना पुष्टि भएको थियो ।

पुरुषमा सुगर र उच्च रक्तचापको समस्या रहेको स्वास्थ्य कार्यालयले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५