X
30
Shares

कोरोना विरुद्धको खोपपछि औषधी ल्याउने रुसको तयारी

रानीमहल संवाददाता || १६ पुष २०७७,बिहीबार ०६:०४

एजेन्सी- रुसको संघीय मेडिकल तथा बायोलोजिकल एजेन्सी (एफएमबिए) ले कोभिड १९ विरुद्धको लडाँईमा प्रयोग हुने औषधी विकास भएको घोषणा गरेको छ । अध्ययनअनुसार यो औषधी ९९ प्रतिशत प्रभावकारी रहेको एफएमबिएकी प्रमुख भोरोनिका सेकभोर्तसोभाको दाबी छ ।

सेकभोर्तसोभाका अनुसार औषधीको प्रिक्लिनिकल अध्ययन पूरा भइसकेको छ र यसक्रममा यो औषधी ‘पूर्णत सुरक्षित र ‘अति प्रभावकारी’ देखिएको छ । यद्यपी, यसको क्लिनिकल परीक्षण हुन बाँकी नै छ । ‘यदी क्लिनिकल परीक्षणले यो औषधीको प्रभावकारीता पुष्टि ग¥यो भने यो विश्वको पहिलो सुरक्षित र प्रभावकारी एन्टीभाइरल औषधी हुनेछ जसको तुलना विश्वका अन्य कुनै औषधीसँग हुँदैन,’ सेकभोर्तसोभाले भनेकी छिन्, ‘यो पहिलो इटियोट्रपिक औषधी हो जसले सिधा भाइरसलाई प्रभावित गर्नेछ । खासमा यो कोरोना भाइरस संक्रमणविरुद्धका लागि एन्टीडोट हो,’सेकभोर्तसोभाले रुसी प्रधानमन्त्री मिखाइल मिस्हुस्टिनलाई ब्रिफ्रिङ गरेकी छिन् ।

इटियोट्रपिकको अर्थ रोगको कारणविरुद्ध उपचार लक्षित हुनु हो । थप परीक्षणको अनुमतिका लागि आवेदन दिन एफएमबिए तयार रहेको सेकभोर्तसोभाले रुसी प्रधानमन्त्रीलाई बताएकी छिन् ।

रुसले गत अगस्टमा अन्तिम चरणको क्लिनिकल परीक्षण सुरु हुन अगावै ‘स्पुतिक पाँचौ’ नामक कोरोनाविरुद्धको खोपलाई स्विकृति दिएको थियो । अहिले यस भ्याक्सिनले अन्य देशमा पनि स्विकृति पाइसकेको छ ।

बेलारुसमा मंगलबारबाट यो भ्याक्सिन प्रयोगमा आएको छ । यस भ्याक्सिनको प्रभावकारीता ९० प्रतिशतभन्दा धेरै रहेको भ्याक्सिन निर्माता गामालिया इन्स्टिच्युटको दाबी छ ।

स्रोत : टिआर डटकम

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५