X
95
Shares

पाल्पामा कोरोनाका सक्रिय संक्रमितको संख्या १ सयभन्दा तल झर्‍यो

रानीमहल संवाददाता || ५ पुष २०७७,आईतवार ०८:४८

पाल्पा – पाल्पामा कोरोना भाइरसका सक्रिय संक्रमितको संख्या घट्दै गएको छ ।

कोरोना परीक्षण घट्दा नयाँ संक्रमितभन्दा निको हुनेको संख्या बढी भएसंगै सक्रिय संक्रमितको संख्या घट्दै गएको हो ।

हाल पाल्पामा कोरोना भाइरसका सक्रिय संक्रमितको संख्या १ सयभन्दा तल झरेको छ । शनिबारमात्रै थप ४६ जना संक्रमित निको भएसंगै सक्रिय संक्रमितको संख्या ८० मा झरेको स्वास्थ्य कार्यालयका सूचना अधिकारी ओमप्रकाश पन्थीले जानकारी दिनुभयो ।

तिमध्ये सबैभन्दा धेरै सक्रिय संक्रमित तानसेन नगरपालिकाभित्र छन् । तानसेनमा १८ जना सक्रिय संक्रमित छन् । त्यस्तै, रामपुर नगरपालिकामा ३, बगनासकाली गाउँपालिकामा १५, पूर्वखोलामा १४, रैनादेवी छहरामा १२, रिब्दिकोटमा ८, माथागढीमा ६, निस्दीमा ३ र तिनाउमा १ जना सक्रिय संक्रमित छन् ।

रम्भामा सक्रिय संक्रमितको संख्या शून्यमा झरेको स्वास्थ्य कार्यालयले जनाएको छ ।

हालसम्म पाल्पामा १ हजार ७ सय ५२ जनामा संक्रमण पुष्टि भएकोमा १ हजार ६ सय ४३ जना निको भएका छन् । पाल्पामा हालसम्म २९ जना संक्रमितको मृत्यु भएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५