पाल्पा - पाल्पामा थप एकजना कोरोना संक्रमितको मृत्यु भएको छ । पूर्वखोला गाउँपालिका –६ का ८७ वर्षीय संक्रमित पुरुषको बिहीबार दिउँसो २ बजे घरमै मृत्यु भएको स्वास्थ्य कार्यालय पाल्पाले जनाएको छ । स्वास्थ्य कार्यालयका सूचना अधिकारी ओमप्रकाश पन्थीका अनुसार पुरुषमा मंसिर २२ गते कोरोना संक्रमण पुष्टि भएको थियो । संक्रमण पुष्टि भएपछि पनि उहाँ आफ्नै घरमै बस्नुभएको थियो । पुरुषमा निमोनियाको समस्या रहेको थियो । योसंगै पाल्पामा कोरोना संक्रमितको मृत्यु हुने संख्या २६ पुगेको छ ।