X
255
Shares

तानसेन–रिडी सडकमा यात्रा गर्दै हुनुहुन्छ ? यी समयमा बन्द छ सवारी आवागमन

रानीमहल संवाददाता || ६ मंसिर २०७७,शनिबार १०:५०

पाल्पा – पाल्पाको तानसेन–हार्थोक–रिडी सडक भएर यात्रा गर्दै हुनुहुन्छ ? यदि हुनुहुन्छ भने सडकमा दैनिक विभिन्न समयमा सवारी आवागमन बन्द छ ।

विभिन्न समयमा सवारी आवागमन रोकेर हार्थोक–मालमुल–जोर्ते खण्डको मोड सुधार तथा सडक स्तरोन्नतिका काम चलिरहेको सडक डिभिजन पाल्पाले जनाएको छ ।

सडकमा कात्तिक २५ गतेदेखि नै सवारी आवागमन रोकेर काम भएको थियो । बिचमा तिहारको समयमा सवारी आवागमन खुला गरेर काम रोकिएकोमा अहिले पुनः सवारी आवागमन रोकेर काम भईरहेको सडक डिभिजन पाल्पाका ईञ्जिनियर शिवु खत्रीले जानकारी दिनुभयो । उहाँका अनुसार मंसिर १३ गतेसम्म यो क्रम जारी हुनेछ ।

१३ गतेसम्मका लागि बिहान ३ देखि ६ बजेसम्म र ७ देखि ९ बजेसम्म, दिउँसो १२ देखि ४ बजेसम्म, साँझ ७ देखि ८ बजेसम्म र ९ देखि १२ बजेसम्म सडकमा सवारी आवागमत रोकिएको छ । यी समयबाहेक अन्य समयमा भने सवारी आवागमन यथावत संचालन भईरहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५