X

चिकित्सकसहित चार कर्मचारीमा कोरोना पुष्टि भएपछि पाल्पा अस्पताल बन्द

रानीमहल संवाददाता || १ कार्तिक २०७७,शनिबार ०८:४९

पाल्पा । पाल्पा अस्पतालमा कार्यरत ४ जना कर्मचारीमा कोरोना भाइरसको संक्रमण पुष्टि भएपछि आकस्मिकबाहेकका सबै सेवा अनिश्चितकालका लागि बन्द गरिएको छ ।

अस्पतालले शुक्रबार एक सूचना जारी गर्दै आकस्मिकबाहेकको सेवा बन्द गरिएको जनाएको छ । अस्पतालका मेडिकल सुपरिटेन्डेन्ट डा. जगदीश कुवँरका अनुसार २ चिकित्सकसहित कार्यालय सहयोगी र सुरक्षाकर्मीमा शुक्रबार कोरोना संक्रमण पुष्टि भएको हो ।

डा. कुवँरले भन्नुभयो, –‘२७ गते अस्पतालबाट कर्मचारी, बिरामीसहित ९ जनाको स्वाब पीसीआर परीक्षणका लागि पठाइएको थियो । शुक्रबार आएको रिपोर्टमा ७ जनामा कोरोना संक्रमण देखियो । जसमध्ये ४ जना अस्पतालका कर्मचारी र अन्य ३ जना उपचारका लागि आउनुभएका बिरामी हुनुहुन्छ ।’

कर्मचारीमा संक्रमण देखिएपछि सेवाग्राहीमा पर्न सक्ने जोखिमलाई मध्येनजर गर्दै आकस्मिक बाहेकका सेवा बन्द गर्नुपरेको अस्पतालले जनाएको छ । सेवा बन्द गर्दा पर्न गएको असुविधाप्रति अस्पतालले क्षमा मागेको छ ।

अस्पतालले जारी गरेको सूचना :

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५