X

बिहीवार पाल्पामा १० जना कोरोना संक्रमणमुक्त

रानीमहल संवाददाता || २९ आश्विन २०७७,बिहीबार १८:०६

पाल्पा –  पाल्पामा कोरोना संक्रमितको संख्या दिनहूँजसो बढिरहेको छ । त्यही अनुपातमा निको हुनेहरु पनि बढिरहेका छन् । पाल्पामा बिहीवार मात्रै  थप १० जना कोरोना संक्रमित संक्रमणमुक्त भएका छन् ।

जिल्ला स्वास्थ्य कार्यालय पाल्पाका सूचना अधिकारी ओमप्रकाश पन्थीका अनुसार रैनादेवी छहराका ३ जना, रामपुरका ३ जना, तानसेनका १ जना, रम्भाका १ जना, अस्पताल तथा अन्य जिल्लाका २ जना कोरोना संक्रमित संक्रमणमुक्त भएका हुन् ।

योसंगै पाल्पामा कोरोना संक्रमणमुक्त हुनेको कुल संख्या ७ सय ४२ पुगेको छ । पाल्पामा हालसम्म ८ सय ८१ जनामा कोरोना भाइरसको संक्रमण पुष्टि भएको छ । अहिले भने पाल्पामा कोरोनाका सक्रिय संक्रमितको संख्या १ सय ३५ रहेको छ ।  उनीहरुमध्ये केही अस्पताल तथा अन्य आइसोलेसन सेन्टर र केही होम आइसोलेसनमा रहेका छन् ।

पाल्पामा कोरोनाका कारण हालसम्म चार जनाको मृत्यु भएको छ । पछिल्लो समय समुदायस्तरका व्यक्तिमा पनि कोरोना संक्रमण देखिन थालेसंगै स्वास्थ्य कार्यालयले थप सजगता अपनाउन आग्रह गरेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५