X

तानसेनमा व्यवसायिक ‘कालिज’ पालन सुरू

रानीमहल संवाददाता || २१ आश्विन २०७७,बुधबार ११:५१

पाल्पा – पाल्पा र रुपन्देहीका पाँच जना व्यवसायी मिलेर जिल्लामै पहिलोपटक व्यावसायिक रुपमा कालिज पालन सुरु भएको छ । तानसेनस्थित बतासेडाँडामा मास तथा चल्ला उत्पादन गर्ने उद्देश्यले कालिजको व्यावसायिक पालन सुरु भएको हो ।

२४ रोपनी जग्गामा पाँच करोडको लगानीमा कालिज पालन गरेको उनीहरूले बताएका छन् । बजारमा कालिजको मासु तथा चल्लाको माग अत्याधिक छ, त्यसको परिपूर्ति गर्न कालिज पाल्न थालेको सितोष्ण वाइल्डलाइफ एण्ड एग्रो रिसर्च सेन्टर प्रालिका सञ्चालक सुरेन्द्र बस्यालले बताउनुभयो ।

‘बजारमा कालिजको मासु र चल्लाको माग देखेर कालिजपालन सुरु गरेका छौँ, उहाँले भन्नुभयो ।’ अहिले दुई हजार बढी कालिज हुर्किरहेको छ । उहाँका अनुसार रिङ्नेक र ब्राउन जातको दुई हजार २०० कालिज उक्त फर्ममा हुर्किरहेको छ ।

कालिज पालनका लागि आवश्यक पर्ने १५ देखि २५ डिग्री सेन्टीग्रडको तापक्रम भएको जग्गाको खोजी गरेर तानसेनको बतासेमा आएको उनीहरूको भनाई छ ।

अहिले बजारमा हुर्किएको एउटा कालिजको मुल्य चार हजार रुपियाँसम्म पर्छ । यसको मासु स्वादिष्ट हुने र स्वास्थ्यका लागि समेत फाइदाजनक हुने भएकाले कालिजको मासु बिक्री गर्न कुनै समस्या नहुने उनीहरुको भनाई छ ।

अहिले कालिज मात्र पाल्न थालेको र पछि त्यस फर्मलाई वन तथा वन्यजन्तु सम्बन्धी अध्ययन्स्थल बनाउने सञ्चालकले बताएका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५