- गम 'समर्पण'
एक भलाद्मी मान्छे
सहरको सडकमा
पाईला चाल्दै जान्छ
हरेक विहान
हरेक साँझ
व्यवसायलाई विश्वव्यापी
बनाउने उसको ठूलो सपना छ
उहीँ सडक छेउमा
एक सडक
मानव भोकले तड्पिरहन्छ
रोगले ग्रासित छ
ग्रीष्ममा तापले सेक्छ
शिशिर याममा
चिसोले कठ्याङ्ग्रिन्छ
उसको न आफन्त छन्
न छिमेकी/समाज छ
न राज्य छ
उसलाई देख्ने
न सरकार नै छ
उद्धार गर्ने
एकदिन भोकले
व्याकुल भएर
उहीँ बाटो हिड्ने
भलाद्मीलाई भोको
पेटको लागि पाउ पर्छ
निरीह आँखाबाट थोपा झार्दै
बचाउको याचना गर्छ
अफसोच !
भलाद्मीको वचन आउँछ- "छोड,
मलाई हतार छ गरी खान सक्दैनस्
तँलाई पाल्ने म हैन"
तर, भलाद्मी मान्छेको घरमा
जङ्गे कुकुरहरू पालिएका छन्
जाडोले कठ्याङ्ग्रिने
डरले न्यानो लुगा
लगाई दिएका छन्
दैनिक हजारौंको व्यञ्जनहरू
ती भाग्यमानी कुकुरले
नखाएर फोहोरमा
मिल्काईरहेका हुन्छन्
१८, असोज-२०७७
प्रकाशित मिति: आइतबार, असोज १८, २०७७ २१:२२
प्रतिक्रिया दिनुहोस्
साताको लोकप्रीय