भोकाहरूको भिड बढीरहेको छ
सडकको पेटीमा मानिसहरू सुतिरहेका छन
विरामीहरूले ओखती गर्न सकीरहेका छैनन्
वेरोजगारहरूको संख्या बढिरहेको छ
मनमौजी सरकारसंग दृष्टि पनि छ
तर किन देख्दैन उ ?
....
सम्धीहरूको हैसियत बढीरहेको छ
आफन्त कुटम्वहरूले नियुक्ति हुत्याइरहेका छन्
पाउनुपर्नेहरूले स्थान पाईरहेका छैनन
घिनलाग्दो हर्कतले सिमा नाघ्दै छ
मनमौजी सरकारसंग दिमाक पनि छ
तर किन सोच्दैन उ ?
....
हत्या, आत्महत्या र बलात्कार बढीरहेको छ
सरकार समर्थक अपराधीहरूले माफि पाइरहेका छन्
विरोधीलाई झुटा मुद्दालगाई कत्लेआम गरिएको छ
जयगान मात्र गाउने संचारलाई राखिएको छ
मनमौजी सरकारसंग कान पनि छ
तर किन सुन्दैन उ ?
....
भ्रस्टाचार, महंगी र कालोबजारी बढिरहेको छ
प्रकृतिको चरम दोहन गर्ने माफियाहरूले इज्जत पाइरहेका छन्
गरिव र धनिविचको खाडल झन बढीरहेको छ
आर्थिक सूचक खस्किदो छ, कम्युनिष्टहरूको सरकार छ
मनमौजी सरकारसंग खुट्टा पनि छ
तर किन हिड्दैन उ ?
२०७७।०६।०१
प्रकाशित मिति: बिहीबार, असोज १, २०७७ १५:०३
प्रतिक्रिया दिनुहोस्
साताको लोकप्रीय