X
5
Shares

भारतीय सेनामा कार्यरत पाल्पा रम्भाका एक युवकमा काेराेना संक्रमण

रानीमहल संवाददाता || २५ श्रावण २०७७,आईतवार १५:१३

पाल्पा – झण्डै दुई सातापछि पाल्पामा एक जना कोरोना संक्रमित देखिएका छन् । भारतबाट नेपाल घर पाल्पा रम्भा आएका एक जना पुरुषमा कोरोना संक्रमण पुष्टि भएको स्वास्थ्य कार्यालय पाल्पाले जनाएको छ ।

भारतीय सैनिकको रुपमा कार्यरत रहेका र केही दिनअघि पाल्पा रम्भास्थित घरमा फर्किएका एक जना युवकमा कोरोना संक्रमण पुष्टि भएको स्वास्थ्य कार्यालय पाल्पाका सूचना अधिकारी ओमप्रकाश पन्थीले जानकारी दिनुभयो ।

उहाँका अनुसार रम्भा गाउँपालिका वडा नं. ५, ताहुँका २२ वर्षिय भारतीय सेनामा कार्यरत युवकमा कोरोना संक्रमण पुष्टि भएको हो । योसँगै पाल्पामा हालसम्म कोरोना संक्रमित हुनेको संख्या ५६२ जना पुगेकाे छ भने ५६१ जना निको भएर घर फर्किएका छन् । एक जनाको भने उपचारको क्रममा मृत्यु भएको थियो ।

पाल्पामा हालसम्म समुदाय स्तरमा कोरोना भने फैलिन पाएको छैन । अहिले स्वास्थ्य कार्यालय पाल्पा, जिल्लाभरका गाउँपालिका तथा नगरपालिकाले समेत समुदायमा कोरोना जाँच गरिरहेका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys