X

माथागढी गाँउपालिकाद्वारा उत्पादनमा आधारित प्रोत्साहन रकम वितरण

रानीमहल संवाददाता || २३ श्रावण २०७७,शुक्रबार १६:०४

पाल्पा- माथागढी गाँउपालिकाद्वारा उत्पादनमा आधारित प्रोत्साहन रकम वितरण गरेकाे छ । माथागढी गाउँपालिकाले किसानलाई कृषिमा उत्साहित बनाउन किसानले उत्पादन गरेका कृषि उपजमा प्रोत्साहन रकम दिएको हो । गाउँपालिकाले किसानलाई आत्मनिर्भर बनाउने र कृषि क्षेत्रमा उनीहरुलाई आकर्षित गर्ने उद्देश्यले माण्डव्य कृषि सहकारी संस्था मार्फत ३९ जना दुग्ध र २९ जना तरकारी तथा फलपूmल कृषकका लागि १ लाख ५२ हजार ६ सय १० रुपैया अनुदान दिएको छ ।

त्यस्तै कृषकहरूलाई उत्पादनमा आधारित अनुदान वितरण कार्यक्रम अन्तरगत फुलबारी दुग्ध सहकारी संस्था माथागढी गाउँपालिका ३ कसेनी मार्फत १७ जना दुध उत्पादन गर्ने भैसीपालक किसानका लागि ६७ हजार ७ सय ५१ रुपैयाँ अनुदान दिएको माथागढी गाउँपालिका अध्यक्ष सन्तोष थापाले जानकारी दिनुभयो ।
माथागढी गाउँपालिकाका विभिन्न वडाहरुलाई फरक फरक कृषि उपजमा पकेट क्षेत्र बनाउने र उत्पादन बढाउने उद्देश्यले यहाँका किसानलाई अनुदान दिएको थापाले बताउनुभयो ।

गाउँपालिकाले दुध उत्पादन गर्ने भैसी पालक किसानका लागि प्रति लिटर २ रुपैयाँ र फलफुल तथा तरकारी उत्पादक किसानका लागि प्रति केजी ३ रुपैयाँका दरले अनुदान दिने निणर्य अनुसार सो रकम वितरण गरिएको गाउँपालिकाकी उपाध्यक्ष निर्मला भट्टराईले बताउनुभयो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys