X

सिद्धार्थ राजमार्ग अझै खुलेन, पहिराे हटाउन केही समय लाग्ने

रानीमहल संवाददाता || ३ श्रावण २०७७,शनिबार १९:४९

पाल्पा – तानसेन–८, गौडेपुल नजिकै झरेको पहिरो अहिलेसम्म हटाउन सकिएको छैन । शनिबार बिहानदेखि अहिलेसम्म पहिरो खस्ने क्रम जारी छ । यसले सडकको पहिरो हटाउन समस्या भएको प्रहरीले जनाएको छ । पहिरो हटाउन नसक्दा सिद्धार्थ राजमार्ग बिहानैदेखि अबरुद्ध बनेको छ । माथिबाट खसेको पहिरोले राजमार्गको बेसलाइन नै बगाएको छ ।

पहिरो हटाउन अझैँ केही दिन लाग्न सक्ने ट्राफिक प्रहरी कार्यालय पाल्पाका प्रमुख प्रहरी नायव निरीक्षक पृथ्वी काफ्लेले जानकारी दिनुभयो । उहाँले डुम्रे-मस्याम-झुम्साकाे बाटाे वैकल्पिक रूपमा प्रयाेग गर्न सकिने बताउनुभयाे । यद्यपी उक्त सडक फाेर ह्वील जीप तथा माेटरसाइकलका लागि मात्र उपयुक्त हुने उहाँले बताउनुभयाे । ठूला सवारीसाधनलाई भने यो बाटाे भएर जान समस्या हुनेछ ।

यसैबीच पाल्पाका प्रमुख जिल्ला अधिकारी रमेश न्यौपाने, प्रहरी प्रमुख दिपकराज खरेल र डिभिजन सडक कार्यालयका प्रमुख मुकुन्द अधिकारीले सडकको अनुगमन गर्नुभएको छ । अनुगमन पछि सडक छिटोभन्दा छिटो खुलाउन आवश्यक सामग्री झिकाइएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys