X
10
Shares

पाल्पामा कोरोना जितेर घर फर्किने ५ सय ९ कुन-कुन ठाउँका ?

रानीमहल संवाददाता || २ श्रावण २०७७,शुक्रबार ०९:५८

पाल्पा – पाल्पामा कोरोना भाइरस सङ्क्रमणलाई जितेर घर फर्किने दिनहुँ बढेका छन् । कोरोना भाइरस लागेका मानिसहरू निको भएर घर फर्किने दिनहुँ बढेका हुन् । पाल्पामा हालसम्म ५ सय ९ जना कोरोना जितेर घरमा फर्किसकेका छन् ।

कोरोना भाइरसबाट सङ्क्रमित भई जिल्लाको विभिन्न आइसोलेसन सेन्टरमा उपचाररत ५ सय ९ जना कोरोना जितेर घरमा फर्किएको स्वास्थ्य कार्यालय पाल्पाले जनाएको छ । शुक्रवार रम्भा गाउँपालिका र पूर्वखाेलाका ८४ जनाले कोरोना जितेर घर फर्किएको स्वास्थ्य कार्यालय पाल्पाका महामारी फोकल पर्सन श्रीकृष्ण भट्टराईले जानकारी दिनुभयो । योसँगै घर फर्किनेको सङ्ख्या ५ सय ९ पुगेको उहाँले बताउनुभयो ।

पूर्वखाेलाकाे उद्धबुद्ध कलेजकाे आइसाेलेशनमा रहेकालाइ प्रमाणपत्र सहित विदाइ गर्दै गापा अध्यक्ष नुनबहादुर थापा

कोरोना निको हुनेहरूमा
माथागढीका २८,
रामपुरका १११,
पूर्वखोलाका १५८,
रैनादेवी छहराका ३३,
रम्भाका ३९,
बगनासकालीका २८,
तिनाउ ४
रिब्दीकोटका ४,
निस्दीका ९५,
तानसेनका ६
र अन्य अस्पतालका ३ जना रहेका छन् ।

पूर्वखाेलाकाे गणपति मावि आइसाेलेशनबाट घर फर्किने तयारीमा युवाहरु ।

उनीहरू सबैको दोस्रो पटकको पीसीआर परीक्षणमा रिपोर्ट नेगेटिभ आएको स्वास्थ्य कार्यालय पाल्पाका निमिक्त प्रमुख विश्वनाथ न्यौपानेले बताउनुभयो । पाल्पामा हालसम्म ५५३ जना कोरोना भाइरस सङ्क्रमित भएका छन् भने एक जनाको मृत्यु भएको छ । पछिल्लो समय भारतलगायतका मुलुकबाट जिल्लामा आउने मानिसको सङ्ख्या घटेपछि कोरोना संक्रमण दर पनि घटेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


काेराेना सचेतना सूचना

क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys