X
15
Shares

पाल्पामा थप ५८ जना काेराेना पाेजेटिभ : स‍ंख्या २ सय ३४ पुग्याे

रानीमहल संवाददाता || ९ असार २०७७,मंगलवार १६:११

पाल्पा- जिल्लाका थप ५८ जनामा काेराेना संक्रमण पुष्टि भएकाे छ । केन्द्रीय प्रयोगशाला काठमाडौंमा र प्रदेश जनस्वास्थ्य प्रयाेगशालामा भएको काेराेना परीक्षणमा जिल्लाको ५८ जनामा थप संक्रमण पुष्टि भएकाे जिल्ला स्वास्थ्य्य नि. प्रमुख विश्व न्याैपानेले बताउनुभयाे ।

काेराेना संक्रमित सबै तीन हप्ताअघि भारतबाट आएका हुन् । उनीहरूलाइ सम्बन्धित पालिकामै आइसाेलेशनमा राख्ने तयारी भइरहेकाे छ । पाल्पामा हालसम्म तानसेन नगरपालिकामा बाहेक सबै गाउँपालिकामा काेराेना संक्रमित देखिएका छन् ।

आज थपिएकामा पूर्वखोलाका, माथागढीका, बगनासकालीका रहेका छन् । जसमा २३ देखि ६५ उमेर समूहका महिला १५ जना र बाँकी पुरुषहरु रहेका छन् ।

पाल्पाकाे रम्भा गाउँपालिकामा १६ जना, पुर्वखाेला १ सय २९ वगनासकाली गाउँपालिकामा २८ जना, माथागढी गाउँपालिकामा २७ जना, रैनादेवी छहरा गाउँपालिकामा २० जना, निस्दी गाउँपालिकामा ३ जना, रिब्दीकोटमा ४ जना, तिनाउमा ३ जना, रामपुर नगरपालिकामा २ जना, पूर्वखोला गाउँपालिका १ सय २९ जना व्यक्ति कोरोनाबाट सक्रमित भएका छन् । पूर्वखोला गाउँपालिका पाल्पाका एक जना सक्रमितको उपचारको क्रममा मत्यु भएको थियो ।

यस अघि आईसोलेसनमा बसेका सक्रमितहरु सबैको स्वास्थ्य अवस्था सामान्य रहेको छ । पाल्पामा पुष्टि भएकाहरु मध्ये १ जना अर्घाखाँची र २ जना गुल्मी जिल्लाका गरी २३४ रहेका हुन भने पाल्पाकाे मात्रै संक्रमितकाे संख्या २३१ रहेकाे छ । पाल्पाका ७ जना निकाे भएर घर फर्किएका छन भने २ जनालाइ बाहिर जिल्ला सिफ्ट गरिएकाे छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस

Your email address will not be published. Required fields are marked *


क्लिक मिडिया नेटवर्क प्रा.लि.पाल्पा,
नेपालद्वारा संचालित
इरानीमहल डटकमको लागि
अनलाइन न्यूज पोर्टल
ranimahalnews@gmail.com
संपादक:अमृत अधिकारी
फाेन नं : ०७५-५२२६०७
मो नं : ९८५७०६००४७
सुचना बिभाग दर्ता नं.७५२/०७४-७५

Powered By: Softbenz Infosys